Usı jıldıń 2-avgust kúni Paytaxtımız orayında jaylasqan «Sultan saray» restoranında «Nuranıylarǵa húrmet hám izzet» atamasındaǵı ushırasıw keshesi ótkerildi.  Ushırısıw keshesine  kekse áwlad wákilleri uzaq jıllar dawamında elimiz hám xalqımız ushın pidayı miynet etken nuranıylar, jaslarmız tárepinen saltanatlı túrde kútip alındı.

  Ushırasıwǵa Berdaq atındaǵı Qaraqalpaq mámleketlik universiteti rektorı A.Reymovtıń basshılıǵında universitet jámááti belsene qatnasıp, kelgen  miymanlarımız ushın qara úyler tigildi. Bul tigilgen qara úyler átirapında milliyligimizdi sáwlelendiretuǵın hár qıylı kórgizbeler, qol ónerleri, sonıń menen bir qatarda, keshemiz miymanlarına qaraqalpaq, ózbek, qazaq, túrkmen, rus hám basqa da xalıqlardıń milliy qosıqları atqarılıp berildi. Sonday-aq, ushırasıw dawamında Elimiz, xalqımız ushın pidayı miynet etken qaharmanlardıń bay turmıs tájiriybesi, úlgili miynet jolı haqqında arnawlı filmler kórsetilip, bul filmler ósip kiyatırǵan jaslarımız ushın tálim-tárbiya hám órnek boları sózsiz.