Usı jıldıń 27-sentyabr kúni Kórkem-óner fakultetiniń studentler úyinde hám ijarada jasawshı studentleri arasında taraw qánigeleri menen ayrıqsha jaǵdaylar júz beriwiniń aldın alıw, jınayatshılıq hám huquqbuzarlıqtı boldırmawǵa qaratılǵan ilaj bolıp ótti. Ilajda Nókis qalası AJB bólim baslıǵı orınbasarı Q.Ametov, universitet profilaktika inspektorı I.Erejepov, Kórkem-óner fakulteti jaslar máseleleri boyınsha dekan orınbasarı I.Djumaniyazov, fakultet tyutorları hám student jaslar qatnsatı. Ilaj dawamında ijarada jasawshı studenlerge ısıtıw úskeneleriniń ornatılıw tártibi, olardıń nasazlıǵı yáki tazalanbaǵanlıǵı nátiyjesinde jarılıw yamasa iyis gázinen záhárleniw múmkinligi hám basqada júzege keliwi múmkin bolǵan ayrıqsha jaǵdaylardı aytıp, bunday jaǵdaylardıń aldın alıw boyınsha kórsetpeler berildi. Sonday-aq, student jaslar arasında házirgi waqıtta júz berip atırǵan jınayatshılıq hám huquqbuzarlıqlar haqqında maǵlıwmat berilip, jaslar arasında jınayatshılıq hám tártipbuzarlıqlardıń aldın alıw boyınsha túsinik berildi. Ilajda student-jaslar ózleriniń qızızqtırǵan sorawına taraw qánigelerinen juwaplar aldı.