Shet tilleri fakulteti professor-oqıtıwshıları, tyutorları hám texnikalıq xızmetkerleri arasında korrupciya jınayatınıń aldın alıwǵa qaratılǵan májilis bolıp ótti. Ushırasıwda fakultet dekanı Dj.Kurbanbaev, universitet «Kompleans» qadaǵalaw bólimi baslıǵı K.Óteniyazov hám universitet psixologı G.Reymbaevalar qatnastı. Ushırasıwda sózge shıqqanlar fakultette tálim-tárbiya processin jánede jaqsılaw, universitet ishki tártip intizamı hám korrupciya jınayatınıń júz bermew, kewilsiz jaǵdaylardıń aldın alıwda bárshemiz birgelikte jumıs alıp barıwımız kerekligi haqqında aytıp ótti. Sonday-aq, búgingi kúnde Respublika kóleminde joqarı oqıw orınlarınıń ayırım professor-oqıtıwshıları hám student jasları arasında bunday jaǵdaylar ushırasıp atırǵanlıǵı, atásirese joqarı oqıw orınlarında imtixanlar waqtında eń awır jınayatqa qol urıp atırǵanlıǵı hám bunday unamsız is háreketlerge qol urǵan insanlardıń keleshegine tásir etip qoymastan, jámiyetke hám elimizdiń rawajlanıwınada keri tásir etetugınlıǵı haqqında aytıp ótti.  Sonıń menen bir qatardailajda Ózbekstan Respublikası Jınayat Kodeksinde kórsetilgen (210-statya – para alıw, 211-statya – para beriw, 212-statya – para alıw-beriwde dáldálshılıq etiw, 214-statya – aldawshılıq jolı menen haq beriwdi talap etiw, 168-statya – aldawshılıq) statyalarındaǵı jınayıy juwapkershilikler haqqında jáne bir márte tanıstırdı hám bunday unamsız halatlardıń júz bermewine bársheni shaqırıp qaldı.