Sanaat texnologiyası, Kórkem óner hám  Arxitektura fakultetleriniń professor oqıtıwshılar, texnikalıq xızmetkerler hám tyutorlar arasında korrupciyanıń aldın alıw hám oǵan qarsı gúresiw boyınsha ushırasıw bolıp ótti. Ushırasıwda universitettiń korrupciyaǵa qarsı gúresiw, komplaens qadaǵalaw bólimi baslıǵı K.Uteniyazov sózge shıǵıp, Ózbekistan Respublikası jınayat kodeksinde korrupciya túsinigi, shólkemlesken jınayatshılıq, para alıw, para beriw hám para alıw beriwde dáldalshılıq etiw, sonday-aq, xızmetkerdi para berip ózine qaratıp alıw túrindegi jınayatlar kórsetilgenligin atap ótti.

Bunnan soń, smzge shıqqanlar, búgingi kúnde Respublika kóleminde joqarı oqıw orınlarınıń ayırım professor-oqıtıwshıları hám student jasları arasında bunday jaǵdaylar ushırasıp atırǵanlıǵı, atap aytqanda joqarı oqıw orınlarında imtixanlar dáwirinde eń awır jınayatqa qol urıp atırǵanlıǵı hám bunday  unamsız is háreketlerge qol urǵan insanlardıń keleshegine tásir etip qoymastan, jámiyetke hám elimizdiń rawajlanıwınada keri tásir etetuǵınlıǵı haqqında toqtalıp ótti. Sonıń menen bir qatarda QMU psixologi G.Reyimbaeva, universitet hayal qızlar maseleleri boyınsha inspektorı R.Tasbaevalar shıǵıp sóylep, olar óz sózinde korrupciya haqıyqatında da jaman illet ekenligin hár bir insan bul illetke qarsı gúresiw kerekligi haqqında atap ótti. Ushırasıw sońındaa fakultetlerdiń professor-oqıtıwshıları ózlerin qızıqtırǵan sorawların berip tiyisli juwaplar aldı.