Berdaq atındaǵı Qaraqalpaq mámlektlik universiteti tárepinen jetekshi xalıq aralıq hám shet el ilimiy-izertlew institutları menen birgelikte rawajlandırıw hám bekkemlew, sonday-aq, akademiyalıq almasıw hám birge islesiwdi ámelge asırıw boyınsha sistemalı is-ilajlar ámelge asırılmaqta. Akademiyalıq almasıw hám birge islesiwdi ámelge asırıw maqsetinde Insan huqıqları, mámleketlik huqıq hám basqarıw kafedrası professorı, yuridika ilimleri doktorı Elizaveta Kutıbaeva Qazaqstan Respublikasınıń xalıqaralıq reyting boyınsha TOP-1000 lıqqa kirgen universitetlerinen biri M.Awezov atındaǵı Qubla Qazaqstan universitetinde akademiyalıq almasıw dástúri boyınsha lekciya hám ámeliy sabaqların ótpekte. Professor E.D.Qutıbaeva universitet yurisprudenciya tálim baǵdarı 3-kurs studentlerine Hákimshilik huqıq páni boyınsha lekciya sabaqlarında, zamanagóy hákimshilik huqıq tiykarları hám onıń ózine tán ózgeshelikleri haqqında student jaslarǵa keń túrde túsinik berdi. Universitetimizdiń birge islesiw hám ilimiy izertlewlerdi ámelge asırıw, oqıw procesine shet el TOP-1000 lıqqa kirgen joqarı oqıw orınları professor-oqıtıwshıların qamtıw, professor-oqıtıwshılarımızdıń stajirovkaların sistemalı túrde shólkemlestiriw tarawında xalıq aralıq birgelikte ámelge asırıw iskerligi úzliksiz dawam ettiriledi.