Aldın xabar bergenimizdey Berdaq atındaǵı Qaraqalpaq mámleketlik universiteti 2022-2023-oqıw jılı ushın Malayziyanıń Lincoln University College oqıw ornı menen birgelikte bakalavriattıń «60230100 – Filologiya hám tillerdi oqıtıw; inglis tili», «61010400 – Turizm xızmet baǵdarları boyınsha» hám magistraturanıń «Lingvistika inglis tili» kúndizgi bilimlendiriw baǵdarı boyınsha qospa tálim (Double Degree) baǵdarlamasına abiturientlerden hújjetlerdi qabıllaǵan edi.

 Usı tiykarda búgin 8-noyabr kúni universitetimiz bas imaratında qospa tálim baǵdarlamasınıń birinshi basqıshınan tabıslı ótken abiturientler ushın inglis tili páninen test sınaqları bolıp ótti. Test procesinde ádilik hám ashıq-aydınlıqtı támiyinlewge úlken itibar qaratılǵan bolıp, imtixan ótkeriletuǵın orınlarǵa kameralar ornatılǵan. Sonday-aq, test sınaqlarınıń ádil ótiwinde mámleketlik test orayı juwaplı xızmetkerleri tárepinen  bahlap barıldı.

QMU baspasóz xızmeti.