Qaraqalpaq filologiyası hám jurnalistika fakulteti teleradio jurnalistika tálim baǵdarı 1-kurs studentleri ushın umıtılmas kún boldı. Sebebi, «Teleradio jurnalistika sisteması» páni oqıtıwshısı Aysholpan Orazımbetova elimizge belgili jurnalist penen sheberlik sabaǵın shólkemlestirdi. Ózbekstan Respublikasına xızmet kórsetken jurnalist, Qaraqalpaqstan Respublikasına miyneti sińgen mádeniyat xızmetkeri, Qaraqalpaqstan Respublikası Joqarǵı Keńesi deputatı Altıngúl Óteniyazova menen sáwbetlesiw baxtına miyassar boldıq.

Ushırasıwda dawamında jurnalist óz dóretiwshiligi haqqında tolıq aytıp, kerekli másláhátlerin hám usınısların bildirdi. Bul óz gezeginde biz studentlerge úlken motivaciya boldı. Sonday-aq, sheberlik sabaǵında kórsetiwdi tayarlawda nelerge itibar beriw kerek, efirde, kameranıń aldında qalay tutıw kerek, mikrofondı qalay uslaw kerek degen sorawlarǵa juwaplar aldıp, bilimimizdi jáne de bekkemledik.

G.Turǵanbaeva, Teleradio tálim baǵdarı 1-kurs student