Usı jılı 15-noyabr kúni «Ózbekinvest» eksport-import qamsızlandırıw kompaniyası qánigeleri hám Ekonomika fakultetiniń hayal-qızlar máseleri boyınsha dekan másláhátshisı docent E.Madenova professor-oqıtıwshılar hám studentler qatnasıwında seminar shólkemlestirildi. Bul seminarda «Ózbekinvest» eksport-import qamsızlandırıw kompaniyası menedjerleri Ayman Matkarimova hám Arepbay Genjebaev, “Menejment” hám “Finans” toparları 2-kurs studentleri qatnastı. Seminarda studentler menen qamsızlandırıw xızmeti, olardıń túrleri hám qamsızlandırıw polyusleri máselesi boyınsha talqılawlar alıp barıldı hám studentlerdıń bul boyınsha pikir hám usınısları tıńlandı.

Sonıń menen birge studentlerge qamsızlandırıw tarawı boyınsha áhmiyetli maǵlıwmatlar berildi, búgingi kúndegi ózgerisler hám jumısqa alıw tártibi menen keńnen tanıstı, studenlerǵe «Ózbekinvest» eksport-import qamsızlandırıw kompaniyası internet tarmaǵındaǵı “Eagent” dástúrden paydalanıw hám agent bolıp jumıs islew múmkinshiligi, qosımsha dáramat tabıw jolları keńnen tusindirildi. Student jaslar ózleriniń qızıqtırǵan sorawlarına juwaplar aldı. Seminar sońında menedjer Ayman Matkarimova studentlerdi qamsızlandırıw kompaniyasındaǵı jumıs barısı menen tanıstırdı. Bul bolsa studentlerdiń bul tarawǵa bolǵan qızıǵıwshılıǵınıń jáne de artıwına xızmet etedi.