Hár bir pitkeriwshi kurs studenti oqıwdı tamamlaǵannan keyin qaysı tarawǵa jumısqa kiriw haqqındaǵı oylar hám rejeler menen júredi. Mámleketlik puqaralıq xızmetine jumısqa kiriwde qaǵazbazlıq, insan faktorın túpten kemeytiriw, bos jumıs orınları haqqında onlayn maǵlıwmat alıw maqsetinde Mámleketlik xızmetin rawajlandırıw agentligi tárepinen  vacancy.argos.uz portalı iske túsirilgen bolıp, hár bir puqaraǵa mámleketlik xızmetke kiriwde teńdey imkaniyatlar jaratadı.

Usı tiykarda búgin 18-noyabr kúni Berdaq atındaǵı Qaraqalpaq mámleketlik universitetinde 4-kurs pitkeriwshileri menen oqıw seminar bolıp ótti. Onda universitetimizdiń oqıw metodikalıq basqarması baslıǵı B.Daumenov, Mámleketlik xızmetin rawajlandırıw agentligi Qaraqalpaqstan Respublikası filialı bas inspektorı N.Qutlımuratova hám pitkeriwshi student-jaslar qatnastı.

Ótkerilgen oqıw-seminarında student-jaslarǵa Ózbekstan Respublikası Prezidenti janındaǵı Mámleketlik xızmetin rawajlandırıw agentliginiń wazıypaları, vacancy.argos.uz portalınıń imkaniyat hám qolaylıqları, paydalanıw tártibi, kásip tańlawda itibar qaratıw kerek bolǵan máseleler, tańlaw arqalı jumısqa kiriw tártibi, mámleketlik xızmetshilerge qoyılıp atırǵan talaplar boyınsha Mámleketlik xızmetin rawajlandırıw agentligi Qaraqalpaqstan Respublikası filialı bas inspektorı N.Qutlımuratova tárepinen tolıq maǵlıwmatlar berildi. Sonday-aq, seminar dawamında arnawlı tarqatpa materiallar berilip, student-jaslar ózleriniń qızıqtırǵan sorawlarına juwaplar aldı.