Búǵin Berdaq atındaǵı Qaraqalpaq mámleketlik universiteti sırtqı bólimniń aralıqtan oqıtıw tálim baǵdarı student-jasları menen ushırasıw bolıp ótti. Onda universitetimizdiń oqıw isleri boyınsha prorektorı O.Duysenbaev, sırtqı bólim baslıǵı S.Mırtazaev hám student-jaslar qatnastı.

Dáslep, universitetimizdiń oqıw isleri boyınsha prorektorı O.Duysenbaev sózge shıǵıp, universitetimizdegi oqıw processi studentlerdiń bilimin bahalaw sistemasına kirgizilgen ózgerisler, oqıw normativ hújjetler, kredit-modul sisteması haqqında maǵlıwmat berip ótti.

Bunnan soń, sózge shıqqanlar universitettiń ishki tártip qaǵıydaları, studentlerdiń sabaqlarǵa óz watında qatnası, tártip intizamı haqqında aytıp ótti. Ushırasıw dawamında student-jaslarǵa studentlik gúwalıqları tapsırılıdı.

Ushırasıwdı ótkeriwden tiykarıǵı maqset jańa oqıw jılında studentlikke qabıl qılınǵan student-jaslardı universitettiń ishki tártip qaǵıydaları menen tanıstırıw, sonday-aq, oqıw-normativ hújjetler, kredit-modul sisteması boyınsha túsindiriw jumısların alıp barıw bolıp tabıladı.

QMU baspasóz xızmeti