Usı jıldıń 25-26 -noyabr kúnleri Berdaq atındaǵı Qaraqalpaq mámleketlik universiteti tárepinen Qoskól MPJ da jasawshı kekse áwlad wákilleri hám universitetimizdiń nuranıy ustazlarına Samarqand qalasına sayaxat shólkemlestirildi.

Bul sayaxatqa 50 den aslam «Qoskól » mákan puqaralar jıyını aymaǵında jasaytuǵın kekse áwlad wákilleri hám universitetimizdiń nuranıy ustazları sonday-aq, belsendi student-jaslar qatnastı. Sayaxat dawamında Samarqand qalasınıń tariyxı hám Muqáddes ziyarat ornıları, sonıń menen birge ǵárezsizlik jıllarında ámelge asırılǵan qurılıs kompleksleri haqqında maǵlıwmatlar aldı.

Bunnan soń, dúnyaǵa belgili orınları menen ullı ulamalardıń meshit medreselerin ziyaratlap, ata-babalarmızdıń qol miynetleri, paydalanılǵan ásbap-úskenelerin tamashlap, mádeniy dem aldı.

Óz gezeginde, MPJ turǵınları, nuranıy ustazlar bunday itibar hám ǵarqorlıqlar ushın húkimetimizge, sonday-aq, universitet jámáátine óz minnetdarshılıqların bildirdi.

QMU Baspasóz xızmeti