Ózbekstan Respublikası Innovaciyalıq rawajlanıw ministrliginde 2022-jıldıń 29-noyabr kúni ministrlik jumısınıń 5 jıllıǵına baǵıshlanǵan ilaj ótkerildi.

Usı ilaj sheńberindegi sıylıqlaw máesiminde ilimiy innovaciyalıq iskerlik nátiyjeliligin asırıw, innovaciyalıq izertlewler nátiyjelerin ámeliyatqa engiziw, usı arqalı mámleket ekonomikalıq rawajlanıwında ilim-pán hám innovaciyalıq izertlewlerdiń ornı hám salmaǵın asırıwǵa qosqan joqarı úlesi, joqarı oqıw ornı iskerligindegi ilimiy jumıslar hám innovaciyalıq izertlewlerdi nátiyjeli shólkemlestiriwde belsene qatnasqanlıǵı ushın Ózbekstan Respublikası kólemindegi jámi 5 joqarı oqıw orınlarınıń ilimiy isler hám innovaciyalar boyınsha prorektorları “Innovaciyalıq ideyalar jetekshisi” kókirek nıshanı menen sıylıqlandı.

Quwanıshlısı, usı sıylıqlaw  máresiminde universitettiń ilimiy isler hám innovaciyalar boyınsha prorektorı Izimbet Turdimambetov usı sıylıq penen sıylıqlandı. Bul sıylıqtıń tikkeley universitetke berilgenligi tarmaq ministrligi sıpatında Innovaciyalıq rawajlanıw ministrligi tárepinen Qaraqalpaqstan joqarı oqıw orınlarına, ásirese, Qaraqalpaq mámleketlik universitetinde keyingi jıllarda alıp barılıp atırǵan ilimiy izertlew iskerligi hám innovaciyalıq jumıslar nátiyjeliligine berilgen múnásip baha ekenliginen, sonday-aq, bul baǵdarda universitette ámelge asırılıp atırılǵan jumıslar kóleminiń  jánede jetilistirilgenligine qaratılǵan ayrıqsha itibar ekenliginen derek beredi.

Universitet rektoratı hám miynet jámáátin usı sıylıq penen shın kewilden qutlıqlaymız.