Qaraqalpaqstan Respublikası Ádillik ministrligi májilisler zalında Qaraqalpaq mámleketlik universiteti Fizika fakulteti student jasları menen «Korrupciyaǵa – joq deymiz biz jaslar korrupciyaǵa qarsımız” atamasında dóńgelek stol átirapında sáwbet bolıp ótti. Sáwbet dawamında Qaraqalpaqstan Respublikası Ádillik ministrligi Huqıqıy úgit-násiyat hám aǵartıwshılıq bólimi baslıǵı A.Utewliev student jaslarǵa házirgi kúndegi Qaraqalpaqstan Respublikası aymaǵında korrupciyaǵa qarsı gúresiwdiń jámáátshilik arasındaǵı ornı, korrupciyaǵa qarsı gúresiwdiń nátiyjeli jetiskenlikleri, haqqında hám mámleketimizde korrupciyaǵa qarsı gúresiw tarawına baylanıslı qabıl etilgen nızam hújjetleriniń mazmun-mánisi hám áhmiyeti haqqında túsinikler berdi.
Fizika fakulteti tyutorı Elbrus Babajanov korrupciyaǵa – joq deymiz biz jaslar korrupciyaǵa qarsımız atamasında dóńgelek stol átirapında sáwbet alıp bardı. Ilajdi ótkeriliwden tiykarǵı maqset student jaslar arasında korrupciyanıń aldın alıw, sonday-aq, bul baǵdarda huqıqıy mádeniyatın asırıw bolıp tabıladı. Sáwbet dawamında ilaj qatnasıwshıları arasında korrupciyaǵa qarsı gúresiw tarawına baylanıslı óz-ara ashıq pikirlesiwler alıp barıldı hám usınıslar bildirdi.
