3-dekabr – Xalıqara nagiranlar kúni múnásibeti menen Berdaq atındagı Qaraqalpaq mámleketlik universiteti Kórkem-óner fakulteti jámááti Xojeli rayonındaǵı 6-sanlı mektep internatında balalardıń hal-jaǵdayınan xabar alıp, arnawlı bayram koncert baǵdarlamasın shólkemlestirildi.
Fakultet jas psixologları balalar menen motivatsion seminar-treninglar ótkerip, ámeliy hám reńli suwret qanigeligi studentleri internat tárbiyalanıwshılarına suwret salıw hám ılaydan hár túrli buyımlar islew boyınsha sheberlik sabaqların ótti.
Sonıń menmen birge, baqsı-jırawlar óz qanigelikleri boyınsha oqıwshı jaslar menen sáwbetlesip, olardıń kewil keypiyatın kóteriw maqsetinde koncert baǵdarlamasın qoyıp berdi. Sonday-aq, ilajda Berdaq atındaǵı Qaraqalpaq mámleketlik universiteti Kásiplik awqam komiteti baslıǵı A.Alliyarov, Kórkem-óner fakulteti dekanı H.Ótegenov hám Dene mádeniyatı teoriyası hám metodikası kafedrası baslıǵı B.Erimbetovlar balalarǵa óz tileklerin bildirip, bayram sawǵaların tapsırdı.
