Usı jıldıń 2-dekabr kúni Berdaq atındaǵı Qaraqalpaq mámleketlik universitetinde  Ózbekstan Respublikası Ministrler Kabinetiniń Ruwxıylıq hám mámleketlik tildi rawajlandırıw máseleleri departamentiniń 2022-jıl 15-noyabrdegi 30/09-15-1-sanlı xatına tiykar, sonday-aq Ministrler Kabinetiniń «Geografiyalıq obyektlerdiń atamaları haqqında»ǵı Ózbekstan Respublikası Nızamına muwapıq geografiyaıq obyektlerdiń atamalar tarawındaǵı jumıslardı tártipke salıw is-ilajları haqqında»ǵı qararınıń orınlanıwı boyınsha, orın atamaları haqqında ilimiy izleniwler alıp barǵan tariyxshılar, filologlar, geograflar, etnograflar, toponimistler, derektanıw boyınsha ilimpazlar menen  májilis bolıp ótti.  

Májilisti Qaraqalpaqstan Respublikası Ministrler Keńesi Baslıǵınıń másláhátshisi-departament baslıǵı P.Dabılov kiris sóz benen ashtı hám májilisti alıp bardı.

Májiliske Ózbekstan Respublikası Ministrler Kabinetiniń Ruwxıylıq hám mámleketlik tildi rawajlandırıw máseleleri boyınsha departament bólimi baslıǵı U.Maxmudov, Kadastr agentliginiń Respublika aerogeodeziya orayı Respublikalıq toponimika xızmetiniń qánigeleri D.Ruziqulov hám D.Qodirovlar qatnastı. Sonday-aq, Qaraqalpaqstanda  ilimiy izleniwler alıp barıp atırǵan tariyxshılar, filologlar, geograflar, etnograflar hám de toponimistler boyınsha ilimpazlarda qatnastı. 

Májiliste tiykarınan Ózbekstan Respublikası, sonıń ishinde Qaraqalpaqstan Respublikası aymaǵındaǵı barlıq geografiyalıq obyektlerdiń atamaları hám basqa da maǵlıwmatlardı ózinde jámlegen birden-bir toponomikalıq enciklopediya jaratıw boyınsha pikir almasıwlar bolıp ótti. Sonday-aq, tiyisli isshi topar dúzgen halda aldaǵı waqıtları isleniwi tiyis bolǵan wazıypalar belgilep alındı.

QMU baspasóz xızmeti