Ózbekstan Respublikası Ministrler Kabinetiniń 2022-jıl 21-noyabr kúngi «3-dekabr Xalıqaralıq mayıplılıǵı bolǵan shaxslar kúni»n múnásip ótkeriw haqqında»ǵı 01-07/65-4-sanlı májilis qararına muwapıq Ózbekstan Mayıplar associaciyası Qaraqalpaqstan Respublikası aymaqlıq bólimi menen birgelikte 2022-jıl 14-dekabr kúni Berdaq atındaǵı Qaraqalpaq mámleketlik universitetinde «Meniń huqıqlarım» atamasında mayıplılıǵı bolǵan student-jaslar qatnasıwında olardıń huqıq máplerin túsindiriw boyınsha seminar ótkerildi.

Onda Ózbekstan Mayıplar associaciyası Qaraqalpaqstan Respublikası aymaqlıq bólimi baslıǵı J.Narbaev, Ózbekstan Arnawlı olimpiadası jámiyetlik birlespesi Qaraqalpaqstan bólimi baslıǵı G.Tursımuratova, Qaraqalpaqstan Respublikası Tóreshilik sudı baslıǵı, Qaraqalpaqstanǵa miyneti sińgen yuristi R.Aybergenov, Qaraqalpaqstan Respublikası Sociallıq-medicina ekspertizası baslıǵı G.Xalmuratova, Ózbekstan Gereńler jámiyetiniń Qaraqalpaqstan Respublikası aymaqlıq bólimi baslıǵı M.Beknazarova, Qaraqalpaqstan Respublikası Jumıstan hám awırıwdan bolǵan mayıplar birlespesi baslıǵı orınbasarı V.Dostanovalar qatnastı.

 Seminarda taraw qánigeleri tárepinen mayıplılıǵı bolǵan insanlardın huqıq hám erkinliklerin qorǵaw boyınsha sonday-aq, nagiranlar huqıqları haqqındaǵı  konvenciyada keltirilgen statiyalar menen tanıstırıp ótti. Soraw-juwap tárizinde dawam etken seminarda qatnasıwshılar ózleriniń qızıqtırǵan sorawlarına juwaplar aldı.