Berdaq atındaǵı Qaraqalpaq mámleketlik universitetiniń Shet tiller fakulteti inglis til bilimi kafedrasında kafedra baslıǵı G.Djoldasova basshılıǵında professor-oqıtıwshılardıń ilimiy iskerligin internet tarmaqlarında keńnen jarıtıw maqsetinde “Hemis platformasında ilimiy iskerlik” atamasındaǵı seminar ótkerildi.

Seminardı inglis til bilimi kafedrasında kafedra baslıǵı G.Djoldasova alıp bardı. G.Djoldasova óz sózinde professor-oqıtıwshılarǵa Hemis platformasında ilimiy jumıslardı alıp barıw, ilimiy jumıslardı jaylastırıw haqqında tusinik berip ótti.

Seminar dawamında assistent oqıtıwshı S.Berdimuratova, oqıtıwshı-stajyor M.Alimbaevlar shıǵıp sóylep, professor-oqıtıwshılarǵa Hemis platformasında ilimiy iskerlikti júrgiziw, ilimiy jumıslardı platformaǵa jayǵastırıw boyınsha keńnen túsinik berip ótti. Seminar juwmaǵında professor-oqıtıwshılar ózleri qızıqtırǵan sorawlarina juwaplar aldı hám óz-ara pikir almastı.