Búgin Berdaq atındaǵı Qaraqalpaq mámleketlik universitetinde «Milletler aralıq tatıwlıq, awızbirshilik hám xalıqlar doslıǵı» uranı astında doslıq festivalı bolıp ótti. Onda Qaraqalpaqstan Respublikası Joqarǵı Keńes Baslıǵınıń orınbasarı R.Saparbaev, Respublika ruwxıylıq hám aǵartıwshılıq orayı Qaraqalpaqstan Respublikalıq bólimi baslıǵı T.Atamuratov, «Qazaq», «Rus», «Ukrain» , «Túrkmen», «Koreec» mádeniy milliy oraylarınan bir qatar wákilller qatnastı.
Dáslep, festivaldı Qaraqalpaq mámleketlik universiteti rektorı A.Reymov ashıp berdi. Ol óz sózinde búgingi kúnde mámleketimizde 130 dan artıq millet wákillleri bir shańaraq prezentlerindey bolıp, teń huquqlı hám óz-ara awızbirshilikte jasap, Watanımız ǵárezsizligin bekkemlewge óz úlesin qosıp kiyatırǵanlıǵın, sonday-aq, olardıń huqıq hám erkinlikleri, nızamlı máplerin támiyinlew, bilim alıwı, kásip-óner úyreniwi, mádentiyatları, úrip-ádet dástúrlerin saqlaw hám rawajlandırıw ushın mámleketimiz tárepinen barlıq shárayatlar jaratılıp berilgenligin aytıp ótti.
Bunnnan soń, Qaraqalpaqstan Respublikası Joqarǵı Keńes Baslıǵınıń orınbasarı R.Saparbaev sózge shıǵıp, jámiyetimizde milletler aralıq tatıwlıqtı bekkemlew bárshe puqaralardıń milletinen, dinine, qaramastan, teń huqıq hám imkaniyatlar jaratıw mámleketimiz siyasatınıń eń baslı baǵdarlarınan biri ekenligin aytıp, bársheni bayram menen qızǵın qutlıqladı. Sonday-aq, ilajda sózge shıqqanlar, Ózbekstan Respublikasında milletler aralıq hám diniy keń peyillik tarawında ámelge asırılıp atırǵan keń kólemli jańalanıwlar mámlekette usı tarawlarda strategik maqsetti birlestiriwine xızmet qılatuǵınlıǵı, jámiyette milletler aralıq tatıwlıq, óz-ara húrmet, mehir-miriwbet, tınıshlıq hám tatıwlıqtı bekkemlew, sociallıq-ruwxıy ortalıqtı támiyinlew, búgingi kúnde xalıqtı razı qılıw ushın elimizde alıp barılıp atırǵan reformalar, unamlı nátiyjesin berip atırǵanlıǵın óz shıǵıp sóylewlerinde keltirip ótti. Sonıń menen bir qatarda, festival sheńberinde mádeniy milliy oraylardıń kórgizbesi hám universitetimizdiń belsendi student-jaslarınıń koncert baǵdarlaması jıynalǵanlardıń názerine usınıldı.
Haqıyqatında da mámleketimizde milletlerara tatıwlıq hám diniy kenpeyillik principleri qarar taptırıw, milletlerdiń hár tárepleme rawajlanıwı, olardıń milliy qádiryatların saqalap qalıw, úrip-ádet dástúrlerin rawajlanıwına mámleketimizde barlıq imkaniyatlar jaratılǵan bolıp bul óz gezeginde kóp milletli xalqımızdıń milletler aralıq taıwlıqtı bekkemlew Ana-Watanımızdıń elde gúllep jasnawına xızmet qıladı.
