Berdaq atındaǵı Qaraqalpaq mámleketlik universiteti Hayal-qızlar keńesi tárepinen Nókis qalalıq xalıq bilimlendiriw bólimine qaraslı 31-sanlı ulıwma orta bilim beriw mektebinde 11-fevral Xalıqaralıq «Ilim hám bilimlendiriw tarawındaǵı hayal-qızlar kúni»ne arnalǵan ushırasıw bolıp ótti.
Ushırasıwǵa Berdaq atındaǵı Qaraqalpaq mámleketlik universiteti hayal-qızlar máseleleri boyınsha rektor másláhátshisi I.Seytnazarova, universitettiń ilim bilim tarawında jetiskenlikke erisken ilimpaz hayal-qızları, mektep muǵallimleri hám oqıwshı qızları qatnastı.
Universitetimizde ilim-bililendiriw tarawında izertlew jumısların alıp barıp atırǵan, bir qansha shákirtlerdiń ustazı dárejesine jetken, ilim jolında ayanbay miynet etip kiyatırǵan bir qatar ilimpaz hayal-qızlarımız sózge shıǵıp, óz miynet jolı hám qolǵa kirgizgen tabısları haqqında sóz etti.
Ushırasıwda ilimpaz hayal-qızlardıń ilimiy miynetleriniń kórgizbeleri shólkemlestirildi. Ushırasıw soraw juwaplar menen dawam etip, oqıwshı qızlarımız ózleriniń qızıqtırǵan sorawlarına juwaplar aldı hám kóplegen maǵlıwmatlarǵa iye boldı.
