Berdaq atındaǵı Qaraqalpaq mámleketlik universitetinde Mámleketlik xızmetin rawajlandırıw agentligi Qaraqalpaqstan Respublikası filialı janında shólkemlestirilgen «Keleshek liderleri» klubı is rejesine tiykarlanıp «Shańaraq psixologiyası» atamasında seminar trening shólkemlestirildi.

Onda universitetimizdiń, Jaslar máseleleri hám ruwxıy-aǵartıwshılıq isleri boyınsha prorektorı S.Alauatdinov, Mámleketlik xızmetin rawajlandırıw agentligi Qaraqalpaqstan Respublikası filialı juwaplı xızmetkeri A.Davletnazarov, «Shańaraq» ilmiy, social, gumanitar hám jaslar baslamaları mámleketlik emes, kommerciyalıq shólkem orayı baslıǵı psixolog M.Otepbergenov tyutorlar hám student-jaslar qatnastı.

Ilajdı universitetimizdiń jaslar máseleleri boyınsha prorektorı S. Alawatdinov kirisiw sózi menen ashtı. Ol óz sózinde sońǵı jıllarda Prezidentimiz tárepinen jaslardıń turmıs sharayatların jaqsılaw, olardın` talantın hám múmkinshiliklerin kórsetiwi ushın qolay sharayat jaratılıp atırǵanlıǵın, shańaraqta, jámiyette, ásirese, hayal-qızlardıń socialliq ómirdegi belsendiligin asırıwǵa ayrıqsha itibar qaratılıp atırg`anlıǵın keń túrde aytıp ótti. 

Bunnan soń, Mámleketlik xızmetin rawajlandırıw agentligi Qaraqalpaqstan Respublikası filialı juwapker qa`nigesi A. Davletnazarov sózge shıǵıp, óz sózinde Ózbekstan Respublikası Mámleketlik xızmetin rawajlandırıw agentligi Qaraqalpaqstan Respublikası filialı janındaǵı “Keleshek liderlari” klubı jumıs iskerligi, aǵza jaslar, jumıs-tájiriybeleri haqqında ken`nen aytıp, búgingi seminar-trening áyne bul klub jumıs rejesine muwapıq o`tkerilip atırǵanın atab ótti.

Sonıń menen birge, “Shan`araq” mámleketlik emes, kommerciyalıq bolmaǵan orayı basshısı, psixologiya pánleri doctorı, DSc Marat Utepbergenov seminardı ámeliy shınıg`ıwlar menen basladı, shańaraqqa tiyisli mashqalalardıń túp kelip shıǵıwı túbiri haqqında óz orayında tayarlanǵan videorolikti jıynalǵanlar názerine usındı. Seminar qızıqlı hám mazmunlı bolıp, student-jaslar taraw qánigesinen ózleriniń qızıqtırǵan sorawlarına juwaplar aldı.