Tariyx fakulteti professor-oqıtıwshıları qatnasıwında taraw qánigeleri menen úgit-násiyat ilajı shólkemlestirildi. Ilajda Húrmetli Prezidentimizdiń Ózbekstan Respublikası xalqı hám Oliy Majlisine jollaǵan múrájatnamasınıń mazmunın tusindiriw sonday-aq, korrupciyaǵa qarsı gúresiw máseleleri boyınsha alıp barılıp atırǵan ilajlar haqqında pikir almasıldı. Onda Yuridika fakulteti professor-oqıtıwshılarınan docent X.Qabulov Húrmetli Prezidentimizdiń Ózbekstan Respublikası xalqı hám Oliy Majlisine jollaǵan múrájatnamasınıń mazmunın túsindiriw boyınsha óz bayanatı menen qatnasıp, tiykarınan búgingi kúndegi ámelge asırılıp atırǵan reformalardıń mazmunı hám onıń áhmiyeti haqqında aytıp ótti. 
Bunnan soń, yuridika fakulteti professor-oqıtıwshılarınan assistent N.Urazov korrupciya qarsı gúresiw máseleleri boyınsha bayanat jasadı. Ol óz bayanatında korrupciyanıń jámiyet hám mámleket keleshegi ushın oǵada qáwipli illet ekenligi haqqında aytıp, olardıń awır aqıbeti haqqında ámeliy mısallarda júz bergen hádiyseler menen  túsindirdi.
Sonıń menen birge, Tariyx fakulteti professor oqıtıwshılarınan assistent N.Pirnazarov sózge shıǵıp, óz sózinde mámleketimizdi rawajlandırıw boyınsha qabıl qılınǵan Mámleketlik baǵdarlama hám Ózbekstan Respublikasın rawajlandırıw boyınsha qabıl etilgen Rawajlandırıw strategiyasındaǵı baǵdarlardıń mazmunın-mánisin túsindirip ótti.

Ilaj dawamında tiyisli maǵlıwmatlar boyınsha tariyx ilimleriniń kandidatları, docent J.Xakimniyazov hám Q.Tanirbergenovalar tárepinen pikir hám usınıslar bildirildi.