QMUda professor-oqıtıwshılar ushın «Jańa Ózbekstan jańa redakciyadaǵı Konstituciya» atamasında seminar bolıp ótti |

QMUda professor-oqıtıwshılar ushın «Jańa Ózbekstan jańa redakciyadaǵı Konstituciya» atamasında seminar bolıp ótti

Búgin Berdaq atındaǵı Qaraqalpaq mámleketlik universitetinde barlıq fakultet professor-oqıtıwshıları ushın Yuridika hám Ekonomika fakulteti professor-oqıtıwshıları tárepinen «Jańa Ózbekstan jańa redakciyadaǵı Konstituciya» atamasında seminar bolıp ótti. Onda Ózbekstan Respublikası Oliy Majlis Nızamshılıq palatası deputatı M.İbragimov, barlıq fakultet professor-oqıtıwshıları qatnastı.

Seminarda sózge shıqqanlar Ózbekstan Respublikası Konistituciyalıq nızam joybarınıń ayrıqsha tárepleri ózgeris hám qosımshaları, sonday-aq, onıń mazmun mánisin keń túrde túsindirip ótti. Haqıyqatında da jańalanǵan Konistituciyada puqaralardıń bilim alıw huquqı hám imkaniyatı keńeytirildi, oqıtıwshılar konistituciyalıq statusqa iye boldı sonıń menen birge, ilim hám bilimlendiriwge baylanıslı normalar eki esege arttı.

Jańa redakciyadaǵı joybarda jaslar máselelerine de ayrıqsha itibar qaratılǵan bolıp, Ózbekstan – huqıqıy mámleket dep belgilenbekte. Onda insan huqıqlar menen erkinliklerin támiyinlew mámlekettiń eń joqarı maqseti etip belgilenbekte. Insannıń huqıqlar menen erkinlikleri nızamlarımızdıń, hár bir ministrlik hám mákeme jumısınıń mazmunına aylanıwı qatań talap etip belgilenip, olar xalıqaralıq huqıqtıń ulıwma tán alınǵan normalarına hám usı Konstituciyaǵa muwapıq kepillenedi. Nızamshılıqta belgilenbegen wazıypa hesh kimge onıń kelisimisiz júkleniwi múmkin emesligi kórsetilmekte. Seminar dawamında qatnasıwshılar ózleriniń qızıqtırǵan sorawlarına juwaplar aldı.

QMU baspasóz xızmeti