#Men biyparıq emespen
Berdaq atındaǵı Qaraqalpaq mámleketlik universiteti Shet tiller fakulteti nemis tili hám ádebiyatı kafedrası professor oqıtıwshıları
Hámmemizge belgili jańalanip atırǵan konstituciya joybarına kóplegen ózgerisler kiritilmekte. Atap aytatuǵın bolsaq bilimlendiriw, ilim pán tarawı boyınsha da kóplegen statya hám normalar qosılmaqta.Bul álbette mámleketimizdiń úzliksiz bilimlendiriw tarawınıń rawajlanıwın támiynleydi.Tiykarǵı nizamımız bolǵan konstitutsiyanıń 51-statsiyasında puxaralardıń joqarı oqıw orınlarında tańlaw jolı menen mámleketlik grant esabınan oqıw huqıqı belgilep qoyılǵan. Bunnan bakalavr hám magistratura basqıshları ushın orınlarınıń bir neshe esege kóbeygenligin kóriwmizge boladı. Sonday-aq nızamda puxaralardıń biypul baslanǵısh kásip-ónerge oqıtılıwınıń belgileniwi sonıń menen nogiranlıǵı bolǵan shaxslarda óz teńlesleri menen bir qatarda teńdey bilim aliw huqıqına iye bolıwı olar ushın barlıq sharayatlardıń jaratılıwı bul Jańa Ózbekstanda insan qadr-qımbatınıń joqarı ekenliginen derek beredi. Al Konstitusiyamızdıń 52-statyasında bolsa mámleket oqıtıwshılar qadir-qımbatın asırıw maqsetinde,olardıń sociallıq tınıshlıǵın qorǵaw,kásiplik mamanlıǵınıń ósiriw ushın ǵamxorlıq kusheytiliwi kórsetilgen,bul óz gezeginde oqıtıwshılardıń abıroyınıń jáne de artıwına xızmet etedi hám oqıtıwshılardıń óz kásibin suyiwge,alǵa umtılıwǵa jigerlendiredi,kúsh quwat baǵıshlaydı hám albette quwandıradı.Bunnan tısqarı nızamda mámleket shańaraqtıń tolıq rawajlanıwına tolıq rawajlandırıw ushın sociallıq ekonomikaliq hám huqıqıy jaqtan qollap quwatlaw maqsetinde birqansha jańa ózgerisler keltirilgen. Máselen mámleketimiz keleshegi bolǵan persentlerimiz tárbiyasında tikkeley ata-analarımız ornı girewli bolıp,olarǵa bilim beriw menen bir qatarda barkamal etip tarbiyalaw majburiyatları engizilgen.Al olardıń huqıqları,erkinlikleri,fizikalıq hám mádeniy jaqtan,ulıwma hár tárepleme tolıq rawajlanıwı ushın eń jaqsı shárt-sharayatlar jaratıw-mámleket minneti etip belgilegen.Bunnan kóriwimizge boladı.Konstitutciyamızǵa kiritilip atırǵan ózgerisler albette insan mápleri qadir qımbatı ushın háreket etiwi sózsiz. Biz nemis tili hám ádebiyatı kafedrası professor oqıtıwshıları da jańalanıp atırǵan konstitucyamızǵa biyparıq emespiz albette.
Nemis tili hám ádebiyatı kafedrası baslıǵı:
PhD Berdimuratov Dáwletniyaz
