Usı jıldıń 30 mart kúni Ózbekstan Respublikası Joqarı bilimlendiriw, ilim hám innovaciyalar ministri, akademik I.Abdurahmonov basshılıǵında Berdaq atındaǵı Qaraqalpaq mámleketlik universitetinde zamanagóy inkubaciya hám akseleraciya orayı ashılıwı bolıp ótti.

Ashılıw saltanatında Qaraqalpaq mámleketlik universiteti rektorı A.Reymov oraydıń baslı maqseti universitette jaslar arasında startap joybarlardı rawajlandırıw, ziyrek jaslardı anıqlaw hám olardıń innovaciyalıq ideyaların qollap-quwatlaw hámde kommerciyalastırıwdan ibarat ekenligin atap ótti.

Sońǵı jıllarda mámleketimizde informaciyalıq sistemalardı jaratıw, mámleket hám jámiyet turmısınıń barlıq tarawlarında zamanagóy informaciyalıq-kommunikaciyalıq texnologiyalardan paydalanıw kólemin keńeytiw baǵdarında nátiyjeli jumıslar ámelge asırılmaqta.

Ushırasıw dawamında ministr professor-oqıtıwshılar hám studentler menen sáwbetlesiw alıp bardı. Bildirilgen usınıs hám mashqalalardı unamlı sheshiw hámde qollap-quwatlanıwın atap ótti hám juwapkerlerge tiyisli tapsırmalar berdi.