Өзбекистан Республикасы Президентиниң 2017 жыл 20 апрель ПҚ-2909-санлы ҳəм 2018 жыл 5 июнь ПҚ-3775-санлы қарарларында көрсетилген шет елли алымлар менен оқыў, илимий ҳəм илимий педагогикалық байланысларды күшейтиў мақсетинде Беларус республикасы Беларус мəмлекетлик университети «Мəмлекетлик басқарыў» кафедрасы профессоры О.Н.Толочко 2023-жылдың март айының 10-18 сəнелери  аралығында юридика факультети 2-курс рус топарларына «Халықаралық ҳуқық» пəнинен 30-саат көлеминде лекция сабағын өтти.

           Профессор О.Н.Толочконың жоқары кәсиплик уқыпы ҳәм маманлығын атап көрсетиўди зәрүр деп есаплаймыз. Профессордың лекциялары текғана студентлер аудиториясында емес, бәлки университетимиз Юридика факултети оқытыўшыларында да үлкен қызығыўшылық оятты.

          Беларус мәмлекетлик университети профессоры Толочко О.Н. университетимиз ректораты, юридика факультети профессор окытыўшылыры менен ушырасты. Ушырасыў барысында Беларус мəмлекетлик университети ҳəм Қарақалпақ мəмлекетлик университети ортасында оқыў, илимий ҳəм илимий педагогикалық искерлик тараўында  бирге ислесиў бойынша келисип алынды.