2023 -jıl, 24 -mart kúni Berdaq atındaǵı Qaraqalpaq mámleketlik universiteti hayal-qızlar keńesi tárepinen «Hayal-qızlar mámleket itibarında» atamasında student-qızlar hám olardıń ata-analarınıń qatnasında ilaj ótkerildi. Ilajda QMU Hayal-qızlar máseleleri boyınsha rektor másláhátshisi Injayım Seytnazarova búgingi kúnde hayal-qızlarǵa mámleketimiz tárepinen jaratılıp atırǵan sharayatlar, bilim alaman, ilim úyrenemen dep umtılıp atırǵan jas qızlar ushın berilip atırǵan úlken imkaniyatlar, jeńillikler haqqında keń túrde aytıp berdi. I.Seytnazarova óz sózinde Prezidentimizdiń 2022 -jılı qabıl etilgen 87-sanlı Pármanında qızlardı joqarı oqıw ornında oqıp bilim alıwına hám de ilimge baǵdarlawǵa qaratılǵan bántler haqında keń túrde aytıp berdi. Bunnan soń universitette oqıp atırǵan, oqıp bilim alıwı ushın shártnama tólemleri mámleketimiz tárepinen tólep berilgen student qızlar hám de olardıń ata-anaları da shıgıp sóylep Prezidentimizge, mámleketimizge, Qaraqalpaqstan Respublikası basshılarına, Shańaraq hám hayal-qızlar komitetine, Jaslar agentligine hám universitet basshılarına ózleriniń minnetdarshılıqların bildirip shıǵıp soyledi. Ilajǵa QMU student qızları, professor-oqıtıwshılar, fakul`tetlerdiń hayal-qızlar máseleleri boyınsha dekan másláhátshileri hám ata-analar qatnastı.

QMU Hayal-qızlar keńesi.