Aldın xabar bergenimizdey Berdaq atındaǵı Qaraqalpaq mámleketlik universitetiniń ishki aymaǵınan 1800 orınǵa mólsherlengen oqıw-laboratoriyası imaratınıń irge tası qoyılıp, qurlıs jumıslarına start berilgen edi. Búgingi kúnde bul imarat «QURILISH KOʻCHMA KOLONNA 017» JShJ qurılıs kárxanası tárepinen qurılıs jumısları jeddelik penen alıp barılıp, házirde imarttıń 1-qabatı juwmaqlanıw aldında turıptı. Bul oqıw laboratoriya imaratınıń birinshi qabatınan GIS texnologiyaları, ximiya -texnologiya, ximiya, qurılıs baǵdarlarına maslastırılǵan zamanagóy ilimiy izertlew laboratoriyası, ekinshi, úshinshi hám tórtinshi qabatlarda oqıw auditoriyaları, kompyuter xanası, kitapxanalar bolıp, 5-6 -qabatlardan dekanat, kafedra baslıqları hám oqıtıwshılar bólmeleri bolıwı názerde tutılǵan.

Maǵlıwmat ushın bul imarat Ózbekstan Respublikası Prezidentiniń 2020-jıl 11-noyabrdegi «2020-2023-jıllarda Qaraqalpaqstan Respublikasın kompleks sociallıq-ekonomikalıq rawajlandırıw is-ilájları haqqında»ǵı PQ-4889-sanlı qararına muwapıq byudjetten tısqarı qarjıları esabınan universitettiń ishki aymaǵınan 1800 oqıw orınǵa mólsherlengen oqıw-laboratoriya imaratınıń jańadan qurılıs jumısların alıp barıw boyınsha Arxitektura rejelestiriw tapsırması (APZ), jer maydanlarına topografiya hám geologiya jumısları alıp barıldı, “KKTamir loyiha” JShJ joybarlaw instituti tárepinen joybarlaw-smeta islep shıǵılıp, qurılıs ekspertiza sheshimleri alındı. Sonday-aq, qurılıs shólkemlerin anıqlaw máqsetinde https://tender.mc.uz/ elektron tender tańlawları arqalı 2022-jıl 29-iyundaǵı 13527-sanlı protokolına tiykar “QURILISH KO`CHMA KOLONNA 017” JShJ qurılısshı shólkemi tárepinen jenimip alınıp, 63 635 910 734,30 swmǵa 2022-jıl 1-iyuldaǵı 1-sanlı shártnaması rásmiylestirildi.