Usı jıldıń 10-aprel kúni Qaraqalpaq mámleketlik universitetinde BMSH RB hám Ózbekstan Respublikası Tábiyiy resurslar ministrligi janındaǵı Gidrometeorologiya xızmeti agentligi menen birgelikte ámelge asırılıp atırǵan “Ózbekstanda iykemlesiwdiń orta hám uzaq múddetli rejelestiriwdi alǵa súriw ushın sektorlarǵa tayanǵan milliy iykemlesiw rejesi” joybarı sheńberinde sektorlarǵa tayanǵan hám aymaqlar ushın iykemlesiw rejelerin islep shıǵıwda Ózbekstandı qollap-quwatlawshı DEKONTA kompaniyasınıń (Chexiya Respublikası) xalıq aralıq konsultantlar toparı aǵzaları Lubosh Smutka, Vladimir Krepl hám Inna Chabelkova, BMSH RB joybar basqarıwshısı Nadejda Gavrilenko menen ushırasıw bolıp ótti. Ushırasıwda Qaraqalpaq mámleketlik universiteti Biologiya hám Ekonomika fakultetleri professor-oqıtıwshıları, doktorantlar, studentler hám magistrantlar qatnastı.

Ushırasıwda ıqlım ózgerisiniń awıl xojalıǵına tásiri,  iykemlesiw ilajları, ámelge asırılǵan hám keleshekte islenetuǵın joybarlar dodalandı. Sonday-aq, Chexiya tábiyiy ilimler universiteti hám Qaraqalpaq mámleketlik universiteti haqqında prezentaciyalar tıńlanıp bul eki universitet arasında keleshekte birgelikte islesiw memorandumın dúziw kerekligi aytıp ótildi. Ushırasıw sońında qatnasıwshılar ózlerin qızıqtırǵan sorawlarına juwaplar aldı.

Biologiya fakulteti

“Ekologiya hám topıraqtanıw”

kafedrası assistenti                                                                      Aygerim Naǵashıbayeva