Búgingi kúnde turmısımızdıń hárbir tarawında jańa ózgerisler bolmaqta. Sol ózgerislerdiń qatarında qorshaǵan ortalıq hám adamlar arasındaǵı qatnaslar da úlken áhmiyetke iye. Bizdi qorshaǵan ortalıqtı qorǵawda mámleketimizdiń ekologiyalıq jaǵdayın bunnan bılayda jaqsılaw hám turaqlı rawajlanıwdı támiyinlew maqsetinde Jańa Ózbekstannıń jańalanıp atırǵan Konstituciyasınıń 49-statyasında anıq belgilep berilgen.

Jańalanıp atırǵan Konstituciyamızdıń usı statyasında hárbir insan ózine qolaylı qorshaǵan ortalıqta jasawı, onıń házirgi jaǵdayı haqqındaǵı isenimli maǵlıwmatlarǵa iye bolıw huqıqına iye.

Puqaralardıń ekologiyalıq huqıqların támiyinlew hám qorshaǵan ortalıǵımızǵa zıyanlı bolǵan tásirlerge jol qoymawı, Aral boyı aymaǵınıń ekologiyalıq jaǵdayın jaqsılaw, qorǵaw, sotsiallıq hám ekonomikalıq jaǵdayların rawajlandırıw ilajları ámelge asırıladı.

Sonlıqtanda, 30-aprel kúni bolıp ótetuǵın ulıwma xalıqlıq Referendumǵa belsene qatnasıwǵa shaqırıp qalaman.

Qaraqalpaq mámleketlik universiteti Ekologiya hám topıraqtanıw kafedrası baslıǵı M.Allamuratov