Usı jıldın 28-aprel kúni Ózbekstan kásiplik awqamları Federaciyasınıń Qaraqalpaqstan Keńesi tárepinen 28-aprel «Pútkil dúnya júzlik miynetti qorǵaw kúni»ne baǵıshlanǵan “Insan qádiri hám salamatlıǵı – jumıs orınlarındaǵı qáwipsiz miynet etiw shárayatları menen tıǵız baylanıslı” atamasında ialj ótkerildi.

Ilaj sheńberinde «Miynetti qorǵaw hám qáwipsizligi boyınsha jmáátlik qadaǵalawdı shólkemlestiriw» Respublikalıq kórik-tańlawınıń birinshi basqıshında Ózbekstan bilimlendiriw hám ilim xızmetkerleri kásiplik awqamı tarawında «Eń jaqsı kárxana» nominaciyası boyınsha Berdaq atındaǵı Qaraqalpaq mámleketlik universiteti birinshi dárejeli diplom menen sıylıqlandı.

Maǵlıwmat ushın, Xalıqaralıq miynet shólkeminiń baslaması menen 2003-jıldan berli dástúrge aylanıp hár jılı belgilenip kiyatırǵan bul ilaj, dúnya jámiyetshiligin úlken mashqalaǵa, yaǵnıy jumıs orınlarında bolıp atırǵan aqıbeti jeńil, awır hám ólim menen juwmaqlanǵan baxıtsız hádiyselerdi, kásip keselliklerine ushırawdıń aldın alıw hám miynetti qorǵaw máselelerine itibardı kúsheytiwge qaratıp kelmekte.