Ózbekstan Respublikası Prezidentiniń 2022-jıl 11-apreldegi «Máhállelerde jaslardı ǵalabalıq sportqa biriktiriwdi jańa basqıshqa alıp shıǵıw is-ilajları haqqında»ǵı qararında máhállelerde xalıq, ásirese, jaslar arasında ǵalabalıq sport jarısların sistemalı shólkemlestiriw arqalı salamat turmıs tárizin úgit-násiyatlaw, olardı ǵalabalıq sportqa biriktiriwge qaratılǵan áhmiyetli wazıypalar belgilep berilgen edi.
Dene mádeniyatı fakultetiniń dene mádeniyatı teoriyası hám metodikası kafedrası usı qarar talaplarınan kelip shıqqan halda máhállelerde sporttı keń túrde úgit-násiyatlaw jumıslarında belsendilik kórsetip kelmekte. Universitet aymaǵında jaylasqan máhálleler jasları arasında sporttıń shaxmat túri boyınsha jarıs ótkerildi.
Jarısqa máhállelerden jámi 50 den aslam jaslar qatnastı. Jarıs qızǵın bellesiwlerge bay bolıp, jaslardıń shaxmat túrine qızıǵıwshılıqları hám olardıń sport sheberlikleri sınaldı. Jarıs tájiriybeli sportshı, dene mádeniyatı teoriyası hám metodikası assistenti, tóreshi A.Qazaqbaev hám bir topar ekspertler tárepinen ádil bahalandı hám de jeńimpazlar anıqlandı. Jarıs jeńimpazları shólkemlestiriwshiler tárepinen tayarlanǵan diplomlar hám estelik sawǵaları menen sıylıqlandı.
Ótkerilgen jarıstıń tiykarǵı maqseti Prezidentimiz tárepinen ilgeri súrilgen jaslar mánawiyatın joqarılatıw hám olardıń bos waqıtların mazmunlı ótkeriw boyınsha bes áhmiyetli baslama hám de sporttı rawajlandırıw boyınsha qabıl etilip atırǵan húkimet qaralarınıń orınlanıwın támiyinlew, sonday-aq, universitet penen máhálleler arasında birge islesiwdi jáne de kúsheytiw bolıp tabıladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
