Xabarıńız bar usı jıldıń 14-18-may kúnleri Ferǵana wálayatında «Universiada – 2022» oyınlarınıń jeńil atletika sport túri boyınsha final basqıshı bolıp ótedi. Usı múnásibet penen Dene mádeniyatı fakulteti jámááti tárepinen 2023-jıl 13-may kúni Nókis temir jol vokzalında sporttıń jeńil atletika túri boyınsha Qaraqalpaqstan saylandı komandası Ferǵana wálayatına shıǵarıp salındı. Dene mádeniyatı fakulteti dekanı N.Kaypov hám jaslar menen islesiw boyınsha dekan orınbasarı R.Óteniyazovlar «Universiada – 2022» sport oyınları qatnasıwshılarına sıylı orınlardı iyelewine tabıslar tiledi.

Qaraqalpaqstan saylandı komandası aǵzaları, yaǵnıy Qaraqalpaq mámleketlik universiteti atınan Dene mádeniyatı fakulteti studentleri Valijon Xosinov, Atabek Uzaqbaev, Asadbek Davletov, Diyarbek Shamuratov, Bexruz Erkaev, Mirjan Abdijaliev hám Nargiza Turdıniyazovalar qatnasadı.

 R.Óteniyazov

Dene mádeniyatı fakultetiniń

jaslar menen islesiw boyınsha dekan orınbasarı