Xalqımız ázel-ázelden perzent súyer xalıq bolıp tabıladı. «1–iyun Xalıqaralıq balalardı qorǵaw kúni» sıpatında elimizde keń túrde belgilenedi. Bul kún balalarımız ushın eń quwanıshlı kúnlerdiń biri esaplanadı. Usı sáne múnásibeti menen búgin Berdaq atındaǵı Qaraqalpaq mámleketlik universitetinde jumıs alıp barıp atırǵan texnikalıq taraw-xızmetkerleriniń texnikalıq taraw xızmetkerleriniń perzentleri ushın, universitetimiz kásiplik awqamı komiteti tárepinen tayarlanǵan bayram sawǵaları tapsırıldı. Ilajda universitetimizdiń rektorı A.Reymov qatnasıp, bársheni búgingi «1–iyun Xalıqaralıq balalardı qorǵaw kúni» menen qızǵın qutlıqladı.

Sonday-aq, ol óz sózinde, ósip kiyatırǵan kishkene perzentlerimiz, óz kásibiniń mamanı, ertengi kúni elimizge belgili insan bolıp jetilisiwin tilep, olardıń ata-analarına bayram sawǵaların tapsırdı. Bunnan soń, ilajda universitetimizdiń Qarjı hám ekonomika isleri boyınsha prorektor A.Qudaybergenov hám universitetimiz Kásiplik awqamı komiteti baslıgı A.Alliyarovlar qatnastıp, ilajda qatnasıp atırǵan bárshe xızmetkerlerdi búǵingi sáne menen qutlıqlap olardıń aldaǵı jumıslarında tabıslar tiledi.