Shet tiller fakulteti inglis til bilimi kafedrasi tájiriybeli professor-oqıtıwshıları f.i.k. doc. D.Xadjieva hám úlken oqıtıwshı A.Toleubaevalar tárepinen student-jaslarǵa Jańalanǵan konstituciyanıń mazmunı, jańadan kirgizilgen ózgerisler haqqında tolıǵıraq maǵlıwmatlar berip, studentlerge lekciya sabaqları shólkemlestirildi.

Konctituciyamızǵa kirgizilgen jańa statyalardıń hár biri boyınsha, ásirese bilimlendiriwge tiyisli statyalar haqqında yaǵnıy tiykarǵı nızamımızdıń 50-statyasında hár kim bilim alıw huquqına iye dep kórsetilgenligi. Bunda mámleket úziliksiz bilimlendiriw sisteması, onıń hár qıylı túrleri, mámleketlik hám mámleketlik emes bilimlendiriw shólkemleri rawajlanıwın támiynleytuǵınlıǵı, 51-statyada puxaralardıń joqarı oqıw orınlarında tańlaw tiykarında mámleketlik grant esabınan oqıw huqıqı belgilep qoyılǵanlıǵı, sonday-aq, joqarı oqıw orınlarında mámleketlik grantlar sanı 2 esege kóbeyip, sonnan magistratura basqıshı ushın 5 esege kóbeytilgenligi, qalaberse, tiykarǵı nızamda puxaralardıń biypul baslanǵısh kásip-ónerge oqıtılıwı da belgilengenligi, kirgizilip atırılǵan ózgerislerdiń xalıq mápi ushın gózlengenligi haqqındaǵı maǵlıwmatlar jetkerildi. Lekciya sońında studentler ózleri qızıqtırǵan sorawlarına juwaplar aldı.