Búgin Ximiya texnologya fakulteti magistrlarınıń magistrlik dissertaciyasın qorǵaw jumısları bolıp ótti. Onda Ximiya pániniń rawajlanıwına úlesin qosıp atırǵan birqansha ilimiy dárejeli, tájiriybeli ustazlar Ximiya texnologya kafedrasınan B.Xojametova, M.Ayımbetov hám B.Madenov, NMPI Ximiyanı oqıtıw metodikası kafedrası baslıǵı L.Kabulova, Ózbekstan Respublikası ilimler Akademiyası Qaraqalpaqstan bóliminen A.Adilova hám D.Allaniyazovlar qatnastı. Qorǵaw jumısında Berdaq atındaǵı Qaraqalpaq mámleketlik universiteti rektorı, Texnika ilimleriniń doktorı, professor A.Reymov qatnasıp, magistrlik dissertaciyasın qorǵap atırǵan jaslardıń jumısları menen tanısıp, pitkeriwshilerge aldaǵı jumıslarında áwmet tiledi.

Pitkeriwshiler ózleriniń dissertaciya jumısınıń mazmunın prezentaciyalar arqalı ashıp berdi, sonday-aq, ámelge asırılǵan jumısları, dissertaciya jumısınıń mazmunı, aktuallıǵın maqseti, jańalıǵı, tájiriybe sınaw nátiyjelerin tanıstırdı. Sonıń menen birge professor-oqıtıwshılar tárepinen sorawlar, piker usınıslar berip, komissiya aǵzalari tárepinen tiyisli bahalar menen bahaladı.