Aldın xabar bergenimizdey Berdaq atındaǵı Qaraqalpaq mámleketlik universiteti tárepinen 2023/2024 oqıw jılı ushın usı jıldıń 24-28-iyul kúnleri aralıǵında kásiplik (dóretiwshilik) imtixanları ótkerilmekte. Búgin erte tańnan Esjan baqsı atındaǵı 1-sanlı balalar muzıka hám kórkem óneri mektebinde Vokal kórkem óneri: (dástúriy qosıqshılıq, estrada qosıqshılıǵı), hám Saz-ásbap atqarıwshılıǵı: tálim baǵdarlarına kásiplik (dóretiwshilik) imtixanları baslanıp, talabanlar óz qábiletlerin sınaqtan ótkermekte.
Imtixanlardıń nızam talaplarına say ádil hám ashıq-aydınlıq penen ótkeriliwin kózden ótkeriw maqsetinde bugin Esjan baqsı atındaǵı 1-sanlı balalar muzıka hám kórkem óneri mektebinde Qaraqalapaqstan Respublikası Joqarǵı Keńesi komitet baslıǵı Z.Reymova, Joqarǵı Keńesiniń deputatları G.Ayımbetova, V.Kalenova menen birgelikte ótkerilip atırılǵan imtixanlardıń barısı menen tanıstı.

Sonday-aq, miymanlar imtixan tapsırıp atırǵan abiturientler hám olardıń ata-anaları menen imtixan ótkeriletuǵın orınlarda jaratılǵan shárayatlar haqqında sáwbetlesip, abiturientler hám olardıń ata-anaları bul jerdegi qolaylıqlar hám abiturienlerdiń toplaǵan balları sol waqıttıń ózinde málim etilip atırǵanlıǵı, sonıń menen bir qatarda imtixan processin internet arqalı onlayn rejimde baqlap barıw imkaniyatı bar ekenliginen shólkemlestiriwshilerge óz minnetdarshılıǵın bildirdi. Haqıyqatında da ádil hám ashıq-aydınlıq tárizde ótkerilip atırǵan imtixanlar haqıyqıy óz bilimi hám qábileti bar jaslar ushın jáne bir jaqsı imkaniyat bolıp tabıladı.

QMU Baspasóz xızmeti