Búgin Berdaq atındaǵı Qaraqalpaq mámleketlik universitetinde Web of Science, Springer Nature, Scopus sıyaqlı xalıq aralıq ilimiy hám ilimiy-texnikalıq maǵlıwmatlar bazalarınan paydalanıw boyınsha oqıw seminarı bolıp ótti.

Oqıw seminarı Ózbekstan Respublikası Joqarı bilimlendiriw, ilim hám innovaciyalar ministrliginiń Ilimiy-texnikalıq málimleme Orayı Ilmmetrikalıq izertlewlerdi rawajlandırıw hám prognoz qılıw departamenti baslıǵı D.Abdumuminova hám ministrliktiń Qaraqalpaqstan Respublikası aymaqlıq basqarması qánigesi E.Abdiganievlar qatnasıp, olar tárepinen keń mazmunda hám joqarı shólkemleskenlikli tárizde oqıw semiranı ótkerildi.

Bul oqıw seminarın ótkeriwden tiykarǵı maqset Qaraqalpaqstan Respublikası aymaǵındaǵı joqarı oqıw orınları hám ilimiy izertlew mákemelerinde jumıs islep atırǵan hám de izertlew jumısların alıp barıp atırǵan professor-oqıtıwshılar hám ilimiy xızmetkerler tárepinen xalıq aralıq ilimiy hám ilimiy texnikalıq maǵlıwmatlar bazalarınan ilimiy derek sıpatında paydalanıw boyınsha tájiriybelerin elede arttırıw, usı túrdegi maǵlıwmatlar bazalarında óz ilimiy miynetlerin járiyalaw hám de bul baǵdardaǵı joqarı oqıw orınları hám ilimiy izertlew mákemeleri jumısların elede jetilistiriw bolıp esaplanadı.

Jıynalısta Berdaq atındaǵı Qaraqalpaq mámleketlik universiteti, Ájiniyaz atındaǵı Nókis mámleketlik pedagogika institutı, Qaraqalpaqstan medicina institutı, Muxammed al-Xorezmiy atındaǵı Tashkent informaciyalıq texnologiyalar universiteti Nókis filialınan qatnasqan usı baǵdardaǵı ilimiy jumıslarǵa qızıǵıwshı professor-oqıtıwshılar, jas alımlar hám izertlewshiler ózleriniń qızıqtırǵan sorawların berip, bul sorawlarǵa bayanatshılar tárepinen tiyisli juwaplar alındı.

Oqıw seminarı qızǵın diskussiyalarǵa bay hám de joqarı shólkemleskenlikli tárizde ótkerildi.