Aldın xabar bergenimizdey, usı jıldıń 4-sentabr kúni respublikamız boylap barlıq bilimlendiriw mákemelerinde jańa oqıw jılı baslandı. Jańa oqıw jılınıń baslanıwı menen Berdaq atındaǵı Qaraqalpaq mámleketlik universitetinde dáslepki sabaqlar Ózbekstan Respublikası Ǵárezsizliginiń 32 jıllıǵına baǵıshlanıp ǵárezsizlik sabaqları menen baslandı. Usı tiykarda búgin Qaraqalpaqstan Respublikası Joqarǵı Keńesi deputatı T.Romanov hám universitetimiz rektorı, professor A.Reymovlar auditoriyalarda dawam etip atırǵan ǵárezsizlik sabaqlarına qatnastı.

Dáslep, universitet rektorı A.Reymov búgingi kúnde mámleketimizde jaslarımız, ásirese, studentler ushın jaratılǵan imkaniyatlar, sonday-aq, Ǵárezsizligimizdiń áhmiyeti hám jaslar turmısında tutqan ornı haqqında studentlerimizge keń túrde túsinik berdi. Bunnan soń, Qaraqalpaqstan Respublikası Joqarǵı Keńesi deputatı T.Romanov sózge shıǵıp, Húrmetli Prezidentimiz tárepinen mámleketimizde ámelge asırılıp atırǵan reformalar, jaslarǵa jaratılıp atırǵan múmkinshilikler haqqında toqtalıp, barlıq student-jaslardı jańa oqıw jılı menen qızǵın qutlıqladı.

QMU Baspasóz xızmeti