Búgin Berdaq atındaǵı Qaraqalpaq mámleketlik universitetinde jańa 2023/2024 oqıw jılında universitetke magistratura qánigeligine oqıwǵa qabıl etilgen jaslar menen ushırasıw bolıp ótti. Onda Ózbekstan Respublikası Oliy majlis Senatı aǵzası, B.Matmuratov, universitetimiz rektorı A.Reymov, Magistratura bólimi baslıǵı I.Allambergenov, oqıw metodikalıq basqarması baslıǵı, Sh.Eshmuratovlar qatnastı.

Ushırasıwdı universitetimiz rektorı A.Reymov sózge shıǵıp, mámleketimiz tárepinen jaslarǵa berilip atırǵan imkaniyatlar, jaslardı hár tárepleme qollap-quwatlaw, olardıń óz kásibiniń maman qánigesi bolıp jetilisiwi ushın jaratılǵan qolaylıqlar haqqında aytıp, oqıwǵa qabıl etilgen barlıq magistrantlardı jańa oqıw jılı menen qızǵın qutlıqladı. Bunnan soń, Oliy majlis Senatı aǵzası, B.Matmuratov, sózge shıǵıp, Húrmetli Prezidentimiz baslaması menen mámleketimizde ámelge asırılıp atırǵan reformalar, sonday-aq, Qaraqalpaqstan Respublikasındaǵı sońǵı jıllarda misli kórilmegen ózgerisler, Moynaq, Bozataw, Taxtakópir rayonlarında alıp barılıp atırǵan jańalanıwlar haqqında jaslarǵa keń túrde mısallar menen túsindirip ótti.

QMU baspasóz xızmeti