Tártip intizam hám juwapkershilikti kúsheytiw, jınayatshılıqtıń aldın alıw ortalıǵın bekkemlew – huqıqbuzarlıqlar profilaktikası nátiyjeliliginiń tiykarǵı faktorı bolıp esaplanadı. Usı tiykarda Dene mádeniyatı fakultetinde oqıytuǵın, avtomobil basqarıwshı student-jaslar arasında jınayatshılıq hám huqıqbuzarlıqtıń aldın alıw, oǵan qarsı gúresiw hám de olar arasında profilaktikalıq úgit-násiyatlaw jumısların alıp barıw maqsetinde «Jol háreketi yaki transportlardan paydalanıw qáwipsizligi qaǵıydaları!» atamasında profilaktikalıq úgit-násiyatlaw ilajı ótkerildi.
Ilajǵa Dene mádeniyatı fakulteti dekanı N.Kaypov, dekan orınbasarları, professor-oqıtıwshılar, QR IIM JHQB xızmetkerleri, tyutorlar hám student-jaslar qatnastı. Ilajda bayanatshılar «Jol háreketi yaki transportlardan paydalanıw qáwipsizligi qaǵıydaları» atamasındaǵı óz bayanatların oqıp esittirip, huqıqbuzarlıq hám jınayatshılıqtıń aldın alıw boyınsha mámleketimizde bir qansha reformalar ámelge asırılıp atırǵanlıǵı, qabıl etilip atırǵan huqıqıy-normativ hújjetler, jaslardıń huqıqıy mádeniyatın joqarılatıw, huqıqbuzarlıq hám jınayatshılıqqa qarsı gúresiw arqalı jámiyetlik tártipti hám qáwipsizlikti saqlaw máseleleri, jınayatshılıqtıń erte aldın alıw zárúrligi, jámiyette júris-turıs qaǵıydaları, jol transport háreketi hám onnan paydalanıw qáwipsizligi qaǵıydaları, júz beriwi múmkin bolǵan avtoavariyalar, más halda mashina basqarıw, mashina urlıǵı sıyaqlı jınayıy islerge qol urıp, jınayıy juwapkershilikke tartılıwdıń aqıbetleri haqqında anıq faktler menen atap ótti. Ótkerilgen ilajdıń tiykarǵı maqseti jaslar arasında huqıqbuzarlıq hám jınayatshılıqtıń erte aldın alıw boyınsha keńnen úgit-násiyatlaw jumısların alıp barıw, sonıń menen birge jaslardı zárúr maǵlıwmatlar menen tanıstırıp barıw bolıp tabıladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
