Berdaq atındaǵı Qaraqalpaq mámleketlik universieti Biologiya fakultetinde “Pútkil dúnya júzlik ozon qatlamın qorǵaw kúni”ne baǵıshlanǵan ilimiy seminar bolıp ótti. Ilimiy seminarda Biologiya fakulteti professor oqıtıwshıları, magistrantlar hám student-jaslar, sonday-aq, Ózbekstan Ekologiyalıq partiyası Qaraqalpaqstan Respublikası partiya shólkemi qánigeleri, Qaraqalpaqstan Respublikası Ekologiya, qorshaǵan ortalıqtı qorǵaw hám ıqlım ózgeriwi ministrligi Nókis qalası atmosfera hawasın qorǵaw bólimi jetekshi qánigeleri hám ǵalaba xabar qural wákilleri qatnastı. Ilimiy seminar barısında “Ekologiya hám topıraqtanıw” kafedrası professor-oqıtıwshıları hám magistrantlar óz bayanatları menen qatnasıp, student-jaslarǵa bul sáneniń kelip shıǵıw tariyxı, áhmiyeti, ozon qatlamınıń búgingi kúndegi jaǵdayı, ozon qatlamınıń jemiriliwiniń aqıbetleri, qabıl etilgen nızam hújjetleri, mashqalalar hám sheshimler haqqında maǵlıwmatlar berdi. Ilimiy seminar sońında qatnasıwshılar ózlerin qızıqtırǵan sorawlarǵa juwaplar aldı.

Tayarlaǵan;

Biologiya fakulteti “Ekologiya hám topıraqtanıw”

kafedrası assistenti: Aygerim Naǵashıbayeva