Búgin Berdaq atındaǵı Qaraqalpaq mámleketlik universitetinde Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Joqarı Attestaciya komissiyası baslıǵı A.T.Yusupov penen universitet janındaǵı ilimiy dárejeler beriwshi Qánigelestirilgen Ilimiy keńesler hám de usı keńesler janındaǵı Ilimiy seminarlar baslıqları, xatkerleri, aǵzaları, sonday-aq, universitette joqarı tálimnen keyingi tálim institutında oqıp atırǵan tayanısh doktorantlar, doktorantlar, jas alımlar hám izleniwshiler qatnasıwında ushırasıw bolıp ótti. Onda Qaraqalpaqstan Respublikası Ministrler Keńesi Baslıǵınıń orınbasarı B.Otemuratov qatnastı. Ushırasıwdı universitet rektorı A.Reymov ashtı hám basqarıp bardı. Ushırasıwda Joqarı Attestaciya komissiyası Baslıǵı A.T.Yusupov shıǵıp sóylep, keyingi jıllarda ilimiy izertlew jumısları baǵdarıda, ásirese, ilimiy hám ilimiy-pedagog kadrlar tayarlaw boyınsha ámelge asırılıp atırılǵan reformalar, usı saladaǵı eń sońǵı ózgerisler hám de jańalanıwlar, ilimiy-pedagog kadrlar tayarlaw, ilimiy keńesler juısların elede jetilistiriw boyınsha alıp barılıp atırǵan jumıslar haqqında keń túrde toqtalıp ótti. Ushırasıw barısında jıynalıs qatnasıwshıları tárepinen ilimiy potencialdı asırıw, ilimiy-pedagog kadrlar tayarlaw ám basqa da máselelerge baylanıslı ózlerin qızıqtırǵan sorawlar berilip, olarǵa bayanatshı tárepinen tiyisli juwap hám de túsindirmeler berildi.