Yuridika fakultetinde tiyisli taraw wákilleri qatnasıwında ótkerilgen  úgit-násiyatlaw ilajına Nókis Imam-ishan Muxammed jome meshiti imam orınbasarı Q.Turdımuratov, Nókis qalası IIOJMB operativ wákili aǵa leytenant A. Amangeldiev, tergewshi aǵa leytenant A. Jarlıkaganov, QMU profilaktika inspektorı I. Erejepov, fakultet tiyisli juwapkerleri hám student-jasları qatnastı.

Ushırasıwdı fakultet dekan orınbasarı B. Ermekbaev ashıp  berdi. Ol óz sózinde elimizde jaslarǵa qansha imkaniyatlar jaratılǵanına qaramastan jámiyetimizde ayırım jaslardıń tálim-tárbiyasında jol qoyılıp atırǵan qáte-kemshilikler hám usı baǵdardaǵı mashqalalardı sheshiwde, aldın alıwda pútkil jámiyet aǵzaları, tiyisli taraw wákilleri menen birge islesiw hám profilaktikalıq jumıslar alıp barıw maqsetke muwapıq ekenligin atap ótip, ushırasıwǵa kelgen miymanlar menen tanıstırdı.

Ushırasıw barısında Nókis Imam-ishan Muxammed jome meshiti imam orınbasarı Q.Turdımuratov házirgi waqıtta ayırım jaslar arasında diniy sawatsızlıq aqıbetinde jiye ushırasıp atırǵan bazı mashqalalarǵa toqtalıp ótti…

Ilaj dawamında IIO JMB tiyisli wákilleri hám universitetimiz profilaktika inspektorı sózge shıǵıp, jaslar arasında kóp ushırasıp atırǵan huqıqbuzarlıq hám jınayatlar boyınsha maǵlıwmat berip, keltirilgen mısallardan durıs juwmaq shıǵarıw zárúrligi haqqında atap ótti.

Yurisprudenciya tálim baǵdarı 113-topar jetekshisi N. Jaqsılıkova