Búgin  Berdaq atındaǵı Qaraqalpaq mámleketlik universitetinde jaslar arasında jınayatshılıq hám huqıqbuzarlıqtıń aldın alıw, olardı bir maqsette birlestiriw, kitap oqıwǵa bolǵan qızıǵıwshılıǵın asırıw, ekstremizm hám terrorizmge qarsı gúresiw boyınsha «Jawızlıqqa qarsı – aǵartıwshılıq» atamasında studentler arasında úgit-násiyat ilajı bolıp ótti.

Onda Xalıq deputatları Nókis qalalıq Keńesi deputatı Q.Jumabaev Ruwxıylıq hám aǵartıwshılıq orayı Nókis qalalıq bólimi baslıǵı Q.Nuratdinov, Din isleri boyınsha komitetiniń QR aymaqlıq basqarması qánigesi Q.Nezamatov, Din isleri boyınsha komitetiniń QR aymaqlıq basqarması qánigesi; X.Ibraimova,  “Muxammed Baxıy” iyman meshiti xatibi, Sh.Qudaybergenov, Nókis qalalıq hákimliginiń balalardı qorǵaw sektorı baslıǵı G.Ayımbetova, Nókis qalalıq Shańaraq hám hayal-qızlar bólimi qánigesi  Z.Elmuratova hám student-jaslar qatnastı.

Ilajdı universitettiń jaslar máseleleri hám ruwxıy-aǵartıwshılıq isleri boyınsha prorektor S.Alawatdinov basqarıp bardı.

Iljda sózge shıqqanlar búgingi jedel pátler menen rawajlanıp atırǵan globallasıw dáwirinde ósip kiyatırǵan jaslarımızdı salamat isenim ruwxında tárbiyalaw búgingi kúnniń áhmiyetli máseleleriniń biri ekenligi, sonlıqtan olardı ruwxıy jaqtan jetik hám kámil insan etip tárbiyalawda bárshemiz teńdey juwapker ekenligin ayrıqsha atap ótti.  Iláj dawamında student-jaslar tiyisli taraw qánigelerinen ózlerin qızıqtırǵan sorawlarına juwaplar aldı hám ózleriniń pikir usınısların bildirdi.

QMU baspasóz xızmeti