Berdaq atındaǵı Qaraqalpaq mámleketlik universitetinde “Ózbekstan-2030” strategiyasınıń jámiyetshilik dodalawı hám «Korrupciyanıń aldın alıwda mámleketlik hám mámleketlik emes shólkemleriniń óz-ara birge islesiwi» atamasındaǵı ushırasıw bolıp ótti. Onda Ózbekstan mámleketlik emes kommerciyalıq emes shólkemleri milliy associaciyası Qaraqalpaqstan aymaqlıq bólimi, «Yuksalish» ulıwma milliy háreketi Qaraqalpaqstan aymaqlıq bólimi, Berdaq atındaǵı Ministrlik, mákeme hám shólkemler, mámleketlik emes kommerciyalıq emes shólkemler, Qaraqalpaq mámleketlik universiteti professor-oqıtıwshıları, student-jaslar hám ǵalaba xabar quralları wákilleri qatnastı. Ushırasıwdı universitettiń jaslar máseleleri hám ruwxıy-aǵartıwshılıq isleri boyınsha prorektor S.Alawatdinov basqarıp bardı.
Ilajda Ózbekstan mámleketlik emes kommerciyalıq emes shólkemleri milliy associaciyası Qaraqalpaqstan aymaqlıq bólimi baslıǵı w.w.a Q.Karimxojaev, “Yuksalish” ulıwma milliy háreketi Qaraqalpaqstan Respublikası aymaqlıq bólimi baslıǵı, T.Romanov, Qaraqalpaqstan Respublikası Ádillik ministrligi Mámleketlik emes kommerciyalıq emes shólkemleri sektorı bas qánigesi M.Xalmuratov hám Qaraqalpaq mámleketlik universiteti Kompleans qadaǵalaw bólimi qánigesi B.Akmuratovlar sózge shıǵıp, Ózbekstan Respublikası Prezidentiniń «Ózbekstan – 2030» strategiyası haqqında»ǵı Pármanı hám «Ózbekstan – 2030» strategiyasınıń 2023-jılda sıpatlı hámde óz waqtında ámelge asırıw is-ilajları haqqında»ǵı qararı joybarları boyınsha, sonday-aq, huqıq qorǵaw uyımları menen birgelikte respublikamızdaǵı joqarı oqıw orınlarında korrupciyanıń aldın alıw hám oǵan qarsı gúresiw baǵdarında ámelge asırılıp atırǵan jumıslar haqqında student-jaslarǵa maǵlıwmat berdi. Ilajda student-jaslar ózleriniń qızıqtırǵan sorawlarına qánigelerden tiyisli juwaplar aldı.
