Korrupciya mashqalası búgingi kúnde jámiyettiń rawajlanıwına tosqınlıq etetuǵın tiykarǵı faktorlardıń biri esaplanadı. Bunday jaman illetti boldırmaw hám usınday unamsız jaǵdaylarǵa qarsı gúresiw maqsetinde búgin Berdaq atındaǵı Qaraqalpaq mámleketlik universitetinde prorektorlar, fakultet dekanları hám bólim xızmetkerleri arasında úgit násiyat ilajı bolıp ótti.

Ilajda universitettiń oqıw isleri boyınsha prorektorı O.Dúysenbaev sózge shıǵıp, korrupciyaǵa qarsı gúres hám onıń aldın alıwda dúnya júzinde, sonıń ishinde Ózbekstan Respublikasında da ayrıqsha dıqqat qaratılǵanlıǵın, korrupciya – jámiyettiń rawajlanıwına keri tásir etip qoymastan, elimizdegi háreket etip turǵan nızamlarǵa isenimsizlik payda etetuǵınlıǵın, usınday unamsız jaǵdaylarǵa qarsı gúresiw búgingi kún siyasatınıń áhmiyetli máseleleriniń biri ekenligin aytıp ótti.

Bunnan soń,  universitettiń Korrupciyaǵa qarsı gúresiw Kompleans qadaǵalaw bólimi baslıǵı K.Uteniyazov sózge shıǵıp, korrupciyanıń aldın alıwda bul baǵdarda jámiyetshilik qadaǵalawdı kúsheytiw kerek ekenligin aytıp, bársheni bul jaman illetke qarsı gúresiwde biyparwa bolmawǵa shaqırdı.