Shet tilleri fakulteti Inglis tili bilimi kafedrası tárepinen “Thanksgiving Day” atamasnda ilaj shólkemlestirildi. Ilajǵa professor-oqıtıwshılar hámde student-jaslar belsene qatnastı. Kesheni shet tilleri fakulteti dekanı Dj.Kurbanbaev ashıp berdi hám ilaj shólkemlestiriwshilerine professor-oqıtıwshılarǵa hám belsene qatnasıp atırǵan student jaslarǵa óz minnetdarshılıǵın bildirdi.
Ilajdı ótkeriwden tiykarǵı maqset student-jaslardıń mádeniyatlar ara kompetenciyasın rawajlandırıw, milliy hám basqa da xalıqlar mádeniyatı, úrp-ádetleri menen tanıstırıp, milletler ara tatıwlıqtı kúsheytiw, milliy úrp-ádetlerdi qádirlew, sonday-aq, studentlerdiń qabiletlerin ámelde kórsetiwge imkan jaratıw hám olardıń dóretiwshilik qabıletin asırıwǵa qaratılǵan.
Filologiya hám tillerdi oqıtıw (inglis tili) tálim baǵdarı studentlerine ekinshi shet tili sıpatında yapon, nemis tilleri oqıtıladı. Al bul bayram bolsa inglis, yapon hám nemis xalıqlarınıń milliy, mádeniy bayramı bolıp, al qaraqalpaq xalqınıń zúráát bayramına tuwra keledi.
Bayramdı múnásip ótkeriw maqsetinde 1-basqısh studentlerine minnetdarshılıq, mazmunında maketler tayarlaw, 2-basqısh studentlerine bayramǵa tiyisli milliy taǵamlar tayarlaw tapsırılǵan bolsa, 3- 4 –basqısh studentleri ayaq oyınları, qosıqları, minnetdarshılıq mazmunındaǵı saxnalıq kórinisleri hám bayramǵa say bezew jumısları menen ilajǵa belsene qatnastı. Ilaj dawamında tóreshi aǵzaları tárepinen student-jaslardıń miynetleri, dóretiwshiligi múnásip bahalanıp, tiyisli orınlar belgilendi hám sertifikatlar, sawǵalar tapsırıldı.
Ilaj dawamında student-jaslar tárepinen tayarlanǵan ayaq oyınlar hámde qosıqlar menen keshe elede janlandı, asirese ádebiy shıǵarmalar tiykarında inglis, yapon, koreys, qaraqalpaq tillerinde shólkemlestirilgen saxnalıq kórinisler jıynalǵanlarda úlken tásir qaldırdı.
Jaslar jámiyet keleshegi hámde ertengi kunimizdiǵ tıykarın salıwshılar. Al usınday xoshametlew hám ilajlardıń shólkemlestiriliwi bolsa student jaslarǵa úlken motivaciya hám keń dúnya qarasqa iye bolıwına járdem bereri sózsiz.
Dilfuza Badirova
Inglis til bilimi kafedrası assistenti.
