Yuridika fakultetinde usı jıldıń 23-noyabr sánesinde student-qızlardıń repraduktiv salamatlıǵına baylanıslı máselelerge baǵıshlanǵan seminar bolıp ótti. Seminarǵa tiyisli taraw wákilleri Respublikalıq óspirimler dispanseri shıpakerleri ginekolog A.Erpolatova, terapevt Sh.Bugabaeva hám fakultetke biriktirilgen miyirbiyke D.Óteniyazova hám 1-basqısh student-qızları qatnastı.

Ilajdı yuridika fakulteti hayal-qızlar máseleleri boyınsha dekan másláhátshisi G.Qazaqbaeva kiris sóz benen ashıp seminardıń áhmiyeti, keleshek anaları esaplanǵan búgingi qızlar salamatlıǵına itibar qaratılatuǵın ulıwmalıq máseleler jóninde sóz etti. Ol óz sózinde sońǵı waqıtlarda ásirese ayırım qızlar psixologiyasında bolıp atırǵan unamsız jaǵdaylar bul olardıń belgili dárejede densawlıǵı fizikalıq hám ruwxıy halatı menen baylanıslı ekenligin atap ótti. Seminarda usı mashqalalardı kemeytiwde tiyisli qánigelerdiń keńesleri zárúr ekenligin bildirdi.

Dáslep joqarı dárejeli shıpaker ginekolog A.Erpolatova qızlar ushın óspirimlik dáwir ózgeshelikleri, erte turmıs qurıwdıń aldın alıw, qaysı waqıtlarda turmıs qurıw ushın fizikalıq hám ruwxıy jaqtan tayar bolatuǵınlıǵı haqqında kórgizbeli qurallar arqalı túsinik berdi.

Bunnan soń, terapevt Sh. Bugabaeva qızlar salamatlıǵında kúndelikli rejim hám racional awqatlanıwdıń áhmiyetine toqtaldı. Ilaj sońında studentler qızıqtırǵan sorawlarına juwaplar aldı

Yuridika fakulteti student-qızlar koordinatorı E.Qalbaeva