“9-dekabr – Xalıqaralıq korrupciyaǵa qarsı gúresiw kúni” múnásibeti menen “Aksilkorrupciya aylıǵı” sheńberinde usı jıl 27-noyabr kúni universitettiı 7-sanlı oqıw imaratında «Korrupciya rawajlanıw tosıǵı» atamasında úgit-násiyatlaw ilajı ótkerildi.
Ilajǵa Qaraqalpaqstan Respublikası Prokuraturası sociallıq tarawda nızamshılıq ústinen baqlaw bólimi aǵa prokurorı R.Jalǵasbaev, Dene mádeniyatı, Geografiya hám tábiyiy resurslar, Tariyx fakultetleriniń dekanları, dekan orınbasarları, kafedra baslıqları, Yuridika fakulteti oqıtıwshısı T.Qallibekov, professor-oqıtıwshılar, tyutorlar hám texnikalıq xızmetkerler qatnastı.
Ilajda bayanatshılar elimizde ámelge asırılıp atırǵan reformalardıń nátiyjeliligin jáne de asırıw, jámiyetimizdiń jedel rawajlanıwı ushın shárayatlar jaratıw, mámleketimizdi modernizaciya qılıw hám barlıq tarawlardı liberallastırıw, nızamshılıqtı bekkemlew, sonday-aq, jámiyetimiz rawajlanıwı ushın korrupciyaǵa baylanıslı huqıqbuzarlıqlardıń aldın alıw, olardı anıqlaw hám toqtatıw, imkan beriwshi sebeplerdi saplastırıw boyınsha respublika boylap keń kólemli jumıslar ámelge asırılıp atırǵanlıǵın atap ótti. Korrupciya – rawajlanıw tosıǵı ekenligi, korrupciya hár qanday mámleket hám jámiyettiń siyasiy-ekonomikalıq rawajlanıwına úlken zıyan kórsetetuǵınlıǵı, mámlekettiń konstituciyalıq tiykarların hám nızam ústinligi, sonıń menen birge insan huqıqları hám erkinlikleriniń támiyinlenbewine alıp keletuǵınlıǵı, sol sebepli mámleketimizde korrupciyaǵa qarsı gúresiwdiń anıq sisteması jaratılǵanlıǵı, bul boyınsha kóplegen qararlar, pármanlar, nızamlar qabıl etilip atırǵanlıǵın aytıp ótti. Usı tiykarda profilaktikalıq úgit-násiyatlaw ilajlar alıp barılıwına qaramastan korrupciya menen baylanıslı huqıqbuzarlıqlar júz berip atırǵanlıqların anıq faktler menen keltirip ótti.
Bayanatshılar korrupciya jınayatınıń túsinigi, bul jaman illettiń aldın alıw hám oǵan qarsı gúresiw boyınsha usınısların bildirdi hám de hár bir puqaranıń watanǵa bolǵan súyispenshiligin bekkemlew, hár túrli unamsız háreketlerdiń aldın alıw, hár bir universitet xızmetkeri ózlerin ilim-bilimdi rawajlandırıwǵa baǵıshlaw, jaslardı watanpárwarlıq ruwxında tárbiyalaw, olarda huqıqıy sana hám mádeniyattı, dúnyalıq, ilimiy hám ádep-ikramlılıq dárejesin asırıw hám de qáliplestiriw hár birimizdiń ádiwli wazıypamız ekenligin atap ótti.
Ilajda qatnasıwshılar ózleriniń qızıqtırǵan sorawlarına tiyisli juwaplar aldı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
