Yuridika fakultetinde diniy ekstremizm, terrorizm, separatizm, huqıqbuzarlıq hám jınayatshılıqtıń aldın alıw menen birge «QMU ádep-ikramlılıq qaǵıydaları»na ámel etiwge baǵıshlanǵan ushırasıw bolıp ótti.

Ushırasıwǵa Nókis Imam iyshan Muxammed Jome meshiti Imam orınbasarı Q.Turdımuratov, QR IIM janındaǵı tergew basqarması ayırıqsha áhmiyetli isler boyınsha tergewshisi A.Sariev, QMU Studentlerdi turar jay menen támiyinlew islerin muwapıqlastırıw bólimi baslıǵı M.Shrazov, fakultet dekan orınbasarı B.Ermekbaev, tyutorlar hám student-jaslar qatnastı.

Ilajdı jaslar menen islesiw boyınsha dekan orınbasarı B.Ermekbaev kiris sóz benen ashıp, joqarı bilimlendiriw sistemasındaǵı reformalar, QMU jasları ushın jaratılǵan imkaniyatlar, studentlerdiń bos waqtın mazmunlı ótkeriwge baǵdarlanǵan biypul shet tili kursları, klub, dógerek hám sport sekciyalarına jaslardıń kóbirek qamtılıwı boyınsha ámelge asırılıp atırǵan is-ilajlar haqqında sóz etti.

Ushırasıwǵa kelgen bárshe tiyisli taraw wákilleri turmısta ushırasıp atırǵan mısallar menen jaslar tárbiyasına baylanıslı unamlı hám unamsız jaǵdaylar olar arasında túrli huqıqbuzarlıq, jınayatlardıń artıp baratırǵanlıǵın sınǵa alıp, jaslardı ómirde jaqsılıq hám jamanlıq, materiallıq máptarlıq astındaǵı jawızlıqtı ańlaw, aq-qaranı ayırıwǵa úgit-násiyatlaw nátiyjeliligin ele de jetilistiriwge qaratılǵan is-ilajlardı arttırıw zárúrligin atap ótti.